Globalizacija

Ecco, san vrga ti naslov i sada se sam sebi smijen, jer san ga vrga misleci justo tu, jenega covika sa foruma(jako dobroga covika) da ga jeno malo strecnen. Najvise jer san se jeno malo zabrinuja citajuci njegovih par zadnjih postova. I...mislija san si citajuci te postove da ga zovnem...da mu recen da dojde poli mene...da pricamo i psujemo po svemu i svacemu, da gremo u konobu poli mojega tasta piti vino, i rakije....svakakovih rakija dela Tone...dobrih...ca te ponesu, i...ja recen, ni to alkohol...to su medezije...pak da nas..pokle jeno malo te medezije boli k*** za globalizaciju!

Uglavnon...hahahaha...on ce se verujen prepoznati...ni to globalizacija can bin ja pisa o njoj, to je nika...druga, dobra i domaca globalizacija ca san stija povidati.

Globalizacija

Globalizacija medju ljudima...pravin i dobrin ljudima...che non ge ne frega un cazzo della verra globalizacija. Jutros na delu, stocan po vrajzoj tastaturi i mi zvoni telefon....guvori...ca poznas kega da bi mi pomoga zalipiti akvarij...a, vero ne...govorin, ali znan hi jeno dva tri ca imaju iskustva sa tin. I...mu govorin, cekaj...gren zvati pa cu ti poslati broj od tega covika. Gren na forum, aj glej ga, logiran je i...znaci da ne spi, zajno zoven..pozdravljamo se, pravi je to covik...na po san i zabija zasto ga zoven...jer, prica zajno krene o akvarijima...ima ih on puno...i velikih..i jako lipih...uf, jaaaako lipih. I, mi guvori...zasto si ti ne napravis jos jenega, i....zajno pocnen pensati...bin da, ja bin...ma, ki ce to povidati Zeljki...dojti ce zajno munjena Smiley. I tako...govorimo mi...lipo smo se ispricali..pak san i onen prvemu posla broj...forsi mu pomore. Nisan nanke finija govoriti na telefon...kada jopet zvoni...a, glej ga, moj amico(i che amico)...sutra se najdemo na krku (bi se reklo Veglia) nika Crna ovca je pak...cu ukrcati fameju(tu naravno racunan i nasega brecica) i gremo u gitu. Se dogovaramo kako i kada cemo se najti..pak gremo skupa isti, malo se druziti...skupa cemo se tornati doma.
I...sada...niki ce reci..kadi je tu globalizacija....kako kadi??? pak...ca nisan povida kako smo se globalno povezali...napominjem...svi spomenuti ljudi u prici su sa foruma, nikada ih(vrlo vjerojatno) nebin bija upozna da ni tega foruma...postali smo prijatelji...jako dobri prijatelji. To bi bila globalizacija...dobro znacenje te ...nike pute, tako grde i teske rijeci..da bi njin vrah sricu uza...neka se svi na svitu tako globaliziraju...globalno pomoru jedan drugemu! I da, globalno, na ovon forumu, procitan....jedan je covik dobija delo(znan da je bija bez dela) i...jopet sam globalno kuntenat.
I sada da se vratin prven coviku ca san spomenuja u prici....da, i meni greju na zivce imperijalisti...vrazi i politicari..ali , nemoj toliko pensati..ces pojti svragon...jeno malo se opusti i uzivaj(imas u cemu!) provajmo mi svi skupa, jedan drugemu pomoci, napraviti niki bolji svijet u okvirima kojima moremo...provajmo jedan drugega nasmijati!
Bandiera rossa trionfera' ! Uf, i da me se ne kapi krivo to je samo onako... usklik jednoga malega covika ca je vajk bija (i ce biti) kontra svega...a, istodobno za sve...bez politickuh pretenzija SmileySmiley
Gren si sada najti Toneta...gren si popiti jenu...ca bin moga...mmmmmmm...me pita ...smokva! mljac...e che vadi in mona la politica e i politici!

Zadnje na forumu

Podržite nas!

Akvarij.NET je već 17 godina s Vama primarno zahvaljujući velikom broju volontera. Naš rad možete podržati i svojim donacijama koje će se koristiti za aktualne troškove servera, domena, licenci te planirane humanitarne akcije.

http://www.paypal.me/AkvarijNET

Donate

3PAzE2vhfNmWwYoQtRALYL2Mn3DUczc8i3

Da bismo poboljšali Vaše iskustvo ova stranica koristi kolačiće (cookies). Nastavkom pristajete na njihovo korištenje.
Pristajem Ne pristajem