dok jedan dan (petak) nisan doša doma a...ona je, žileton za čiščenje.....očistila alge tako da je na staklu napisala Delbi. Joh...joh...grda je, stvarno se moran moviti. Dobrih ljudi je vajka blizu...i, hvala njin do neba. Telefonata...moreš...moren...dogovorenu...nedilja je akcija. Još san subotu iskoristija i poša jedriti jenu regatu(toliko da si napunin dušu)...i, nedilju startali...rano zjutra. Pošli poli njega(neću pisati imena...ali 
tu je na forumu sa nick-om zajebanega gusara ) uzeti fušto(bačvu ...veliku) i kante za vodu, akvarij od 100 litri i...akcija je mogla početi. Došli smo poli mene doma, i...fala bogu..i Ona je bila doma...jer ku ne...vero san zgubljen. Dogovorena je taktika, vadimo vodu iz akvarija i točimo u pomočni, pacijenca...me viču da iman tanku cijev...ma se ne obaziren, fuman i se smijen Kada smo ga napunili mali akvarij, mijenjamo i bacan tubo kroz prozor...Ona pazi...san sa soli zajeba sve fuge na pjaštrelami..ali...hahaha, sada pazin. 3/4 je prazan i gren vaditi kamen, joh kako to srdi..kako sam vrag. Triba sada uloviti ribe...voda je tako šporka da ih jedva vidin, srećon su šare..žućo brižan..je žut pa ga prvega vidin i ga lovin u mrežicu....buć, poša je u mali akvarij...zbunjen i prenjen..ali, ne mu bude niš. Pokle njega redon...lovin clownove, kardinale i jenega cromisa. Zadnjega vadin(najteže mi ga je bilo najti) hispidusa. Smrdi...voda, akvarij...ma, srdi cila hiža više nego bilo kakova fonja. Ostaje ona najhuje, stružen škifece sa stakla dok se voda i dalje usisava i gre u kortu na travu. Sva san stakla očistija, provali smo(koliko smo god rivali) tubon usisati čin više šporkice, ali...tega je toliko da nan se malo malo zaštopa tubo...svima nan je škifo jopet potezati ustima da voda poteče. Tone se mota okolo, stalno zove da gremo piti jedan put...ne moremo piti..moramo biti pametni(meni je to jako teško ).
Specijalnim alatima ća nan je Tone donesa vadin pjesak u jenu maštelu...pronto je sve, moremo pojti po more. Pun auto bačvi, kanti....kamenja i pijeska, gremno u Premanturu po more. A tamo...lipo vrime, puno ljudi, šetaju, voze se na bičikletami..a, mi...raskrgali kante, svuda hi je, punimo ih more, prvo njih da se na suncu jeno malo more stepli...pak, skidamo patike, zavrćemo brageše i...se stavljamo blizu mora, rukavice na ruke(kamenje je krcato firewormsima)...i, sa škrtačama(tvrde četke) stužemo i čistimo kamenje. Mi govori...svi nas čudno gledaju...meni ne smeta, ja san naveden...mene vajk svi čudno gledaju. Sa puno puno truda čistimo sve kamenje, i...svaki kamen po završetku stavljemo u pličak da ga još i more malo spere. Sve blišći kako je čisto.....pjesak isto...u mašteli ispiremo....on mi je dao još 4 kile novega pjeska pa koristimo priliku i novi čistimo isto u moru. Zgubili smo mi...jeno dvi-tri ure u punjenju mora i čišćenju kamenja. Od dome me zovu...pronat je ručak...šu dojdite. I..gremo...ručamo, ja san već lipo krepan...ali, još triba delati. Ubacujemo pjesak u akvarij...i, počinjemo puniti. Tone je sve pronta...produžni...cijev..i, potopnu pumpu u bačvu koja je u autu....puni se akvarij....naravno, sve ča moren zajebati ja zajeben, zletila mi je cijev iz ruke...tako da nam je i mora pošlo po dnevnen boravku...jbg, ona ni to vidila Kada je akvarij bija na po pun, slažemo kamenje...ja se ne pačan jer san štupido...a, on pensa i ....lipo je to spensa. Nastavljamo punjenje... ja peren pumpe i skimer, on razmislja o protoku u akvariju i slaze pumpe...ja se jopet ne pačan...jer sam...da, pogađate...štupido
Pun je i sve je u funkciji...lipo ga je viditi tako čistega...koralja ni...ali, če hi biti...pomalo...lip je, svi smo kuntenti...jako jako...i, sada je vrime da se vratin na naslov....Recesija...da bi je vrag uza, vajk ih je bilo i vajk će hi biti ...samo da nikada ne bude recesije dobrih i veselih ljudi....to ja nebin moga zdurati. I...da ne zabn, hvala i njemu ća mi je cili dan 'čuva' kčer na foto tečaju i...došao na kraju sa nama podijeliti veselje. Hvala....i, sada se jopet onako...osjećan na novo munjen za tin akvarijen...pere me ona lijepa akvaristička groznica...i, jopet ču buljiti kuntenat....jooooohuuuuu
Gremo dalje...i, trd od sprid!